ՀայերենРусскийEnglish
Գլխավոր Մամուլի հաղորդագրություններ ԼՂՀ ՆՅՈՒԹԱԿԱՆ ԱՐՏԱԴՐՈՒԹՅԱՆ ԱՌԱՆՁԻՆ ՑՈՒՑԱՆԻՇՆԵՐԸ 2011թ. ՀՈՒՆՎԱՐ-ԱՊՐԻԼԻՆ
ԼՂՀ ՆՅՈՒԹԱԿԱՆ ԱՐՏԱԴՐՈՒԹՅԱՆ ԱՌԱՆՁԻՆ ՑՈՒՑԱՆԻՇՆԵՐԸ 2011թ. ՀՈՒՆՎԱՐ-ԱՊՐԻԼԻՆ
24.05.2011

Արդյունաբերություն: 2011թ. հունվար-ապրիլին հանրապետությունում, փաստացի գներով, թողարկվել է 15442.0 մլն դրամի արդյունաբերական արտադրանք: 2010թ. հունվար-ապրիլի նկատմամբ արդյունաբերական արտադրանքի ֆիզիկական ծավալի ինդեքսը, համադրելի գներով, կազմել է 103.2 տոկոս:

Արտադրված արդյունաբերական արտադրանքի կառուցվածքը ըստ տնտեսական գործունեության հիմնական տեսակների հետևյալն է. հանքագործական արդյունաբերություն` 48.9 տոկոս, մշակող արդյունաբերություն` 26.7 տոկոս,  էլեկտրաէներգիայի, գազի, ջրի արտադրություն և բաշխում`  24.4 տոկոս:

  Հաշվետու ժամանակահատվածում սպառողական ապրանքների արտադրության ծավալը կազմել է 2623.4 մլն դրամ` նախորդ տարվա նույն ժամանակահատվածի համեմատ աճելով 16.6 տոկոսով:

 2011թ. հունվար-ապրիլին փաստացի գործող գներով, պատրաստի արտադրանքի իրացումը կազմել է 15810.2  մլն դրամ, իրացվելիության մակարդակը` 102.4 տոկոս:

Արդյունաբերա-արտադրական անձնակազմի միջին ցուցակային թվաքանակը կազմել է  5189 մարդ,  աշխատանքի արտադրողականությունը` 2975.9 հազ.դրամ:

Գյուղատնտեսություն: 2011թ. հունվար-ապրիլին հանրապետությունում իրացվել է 770.3 տոննա (կենդանի քաշով) անասուն և թռչուն, արտադրվել է` 12672.2 տոննա կաթ, 8701.3 հազ. հատ  ձու:

Շինարարություն: 2011թ. հունվար-ապրիլին հանրապետությունում իրականացվել է 8672.0 մլն դրամի շինարարություն`  2010թ. հունվար-ապրիլի 8585.1  մլն դրամի փոխարեն:

 

ԼՂՀ ԱԶԳԱՅԻՆ  ՎԻՃԱԿԱԳՐԱԿԱՆ  ԾԱՌԱՅՈՒԹՅՈՒՆ