ԱՐՑԱԽԻ ՀԱՆՐԱՊԵՏՈՒԹՅԱՆ
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Ըստ ԼՂՀ-ում գործող առևտրային բանկերի (մասնաճյուղերի) կողմից ներկայացրած վիճակագրական հաշվետվությունների 2015թ. օգոստոսի 1-ի  դրությամբ տրամադրված վարկերը կազմել են 89785.3 մլն դրամ, որոնք 2014թ. օգոստոսի 1-ի համեմատ նվազել են 1.6 տոկոսով, նախորդ ամսվա համեմատ աճել են 1.6 տոկոսով: Վարկերի 1.2 տոկոսը կազմել են բանկերի ժամկետանց վարկերը, որոնք 2014թ. օգոստոսի 1-ի համեմատ աճել են 25.3 տոկոսով, նախորդ ամսվա համեմատ նվազել են 2.3 տոկոսով: Արտարժույթով տրամադրված վարկերը կազմել են ընդհանուրի 68.7 տոկոսը, որոնք 2014թ. օգոստոսի 1-ի համեմատ աճել են 22.4 տոկոսով, իսկ նախորդ ամսվա համեմատ՝  2.2 տոկոսով:
 2015թ. օգոստոսի 1-ի դրությամբ բանկերում կազմակերպություններից և ֆիզիկական անձանցից ներգրավված ավանդները կազմել են 57031.5 մլն դրամ, 2014թ. օգոստոսի 1-ի համեմատ նվազելով 15.7 տոկոսով, իսկ նախորդ ամսվա համեմատ աճելով 1.6 տոկոսով:
Ավանդների ընդհանուր ծավալում 72.7 տոկոսը կազմել են բանկերի ժամկետային ավանդները, 18.3 տոկոսը` ցպահանջ ավանդները, 9.0 տոկոսը` նպատակային ավանդները: