ԱՐՑԱԽԻ ՀԱՆՐԱՊԵՏՈՒԹՅԱՆ
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Ըստ ԼՂՀ-ում գործող առևտրային բանկերի (մասնաճյուղերի) կողմից ներկայացրած օպերատիվ տվյալների 2016թ. փետրվարի 1-ի  դրությամբ տրամադրված վարկերը կազմել են 79605.4 մլն դրամ, որոնք 2015թ. փետրվարի 1-ի համեմատ նվազել են 16.7 տոկոսով, նախորդ ամսվա համեմատ՝ 21.0 տոկոսով: Վարկերի 1.2 տոկոսը կազմել են բանկերի ժամկետանց վարկերը, որոնք 2015թ. փետրվարի 1-ի համեմատ նվազել են 0.9 տոկոսային կետով, նախորդ ամսվա համեմատ`  0.2 տոկոսային կետով: Արտարժույթով տրամադրված վարկերը կազմել են ընդհանուրի 64.5 տոկոսը, որոնք 2015թ. փետրվարի 1-ի համեմատ նվազել են 17.2 տոկոսով, իսկ նախորդ ամսվա համեմատ`  30.0 տոկոսով:
2016թ. փետրվարի 1-ի  դրությամբ բանկերում կազմակերպություններից և ֆիզիկական անձանցից ներգրավված ավանդները կազմել են 67326.1 մլն դրամ, 2015թ. փետրվարի 1-ի համեմատ աճելով 20.2 տոկոսով, իսկ նախորդ ամսվա համեմատ` 9.8 տոկոսով:
Ավանդների ընդհանուր ծավալում 75.6 տոկոսը կազմել են բանկերի ժամկետային ավանդները, 16.2 տոկոսը` ցպահանջ ավանդները, 8.2 տոկոսը` նպատակային ավանդները: