ԱՐՑԱԽԻ ՀԱՆՐԱՊԵՏՈՒԹՅԱՆ
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Սպառողական գներ:  2017թ. մարտին նախորդ ամսվա համեմատ ԼՂՀ սպառողական շուկայում արձանագրվել է 0.8 տոկոս գնանկում: Նշված ժամանակահատվածում պարենային ապրանքների (ներառյալ ոգելից խմիչք և ծխախոտ)  գները նվազել են 1.5 տոկոսով, ոչ պարենային ապրանքների գները՝ 0.1 տոկոսով, իսկ նույն ժամանակահատվածում ծառայությունների սակագները՝ աճել են 0.2 տոկոսով:

Սպառողական գների հավելաճը 2007-2017թթ. մարտին

(նախորդ տարվա դեկտեմբերի նկատմամբ, %)

Ըստ դիտարկվող քաղաքների սպառողական գների ինդեքսը 2017թ. մարտին 2016թ. դեկտեմբերի համեմատ կազմել է ք. Ստեփանակերտում՝ 100.4 տոկոս, Ասկերանում` 100.6 տոկոս, Հադրութում՝ 101.6 տոկոս, Մարտակերտում՝ 100.1 տոկոս, Մարտունիում՝ 101.3 տոկոս, Շուշիում՝ 99.7  տոկոս, իսկ Բերձորում՝ 100.7 տոկոս:
2017թ. մարտին 2016թ. մարտի համեմատ սպառողական գների ինդեքսը կազմել է 98.5 տոկոս, այդ թվում պարենային ապրանքներինը (ներառյալ ոգելից խմիչք և ծխախոտ)՝ 99.7 տոկոս, ոչ պարենային ապրանքներինը՝ 96.7 տոկոս, ծառայությունների սակագներինը 97.5 տոկոս: