ԱՐՑԱԽԻ ՀԱՆՐԱՊԵՏՈՒԹՅԱՆ
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Սպառողական գներ:  2018թ. փետրվարին նախորդ ամսվա համեմատ ԼՂՀ սպառողական շուկայում արձանագրվել է 0.1 տոկոս գնաճ: Նշված ժամանակահատվածում պարենային ապրանքների (ներառյալ ոգելից խմիչք և ծխախոտ)  գները նվազել են 0.1 տոկոսով, իսկ ոչ պարենային ապրանքների գները և ծառայությունների սակագները աճել են համապատասխանաբար 0.2 և 0.1 տոկոսով,:

Սպառողական գների հավելաճը 2008-2018թթ. փետրվարին

(նախորդ տարվա դեկտեմբերի նկատմամբ, %)

Ըստ դիտարկվող քաղաքների սպառողական գների ինդեքսը 2018թ. փետրվարին 2017թ. դեկտեմբերի համեմատ կազմել է ք. Ստեփանակերտում ՝ 102.7 տոկոս, Ասկերանում` 102.9 տոկոս, Հադրութում և Շուշիում՝ 102.0  տոկոս, Մարտակերտում՝ 101.9 տոկոս, Մարտունիում՝ 101.8 տոկոս,   իսկ  Բերձորում՝ 101.7 տոկոս: 
2018թ. փետրվարին 2017թ. փետրվարի համեմատ սպառողական գների ինդեքսը կազմել է 102.6 տոկոս, այդ թվում պարենային ապրանքներինը (ներառյալ ոգելից խմիչք և ծխախոտ)՝ 103.7 տոկոս, ոչ պարենային ապրանքներինը՝ 102.5 տոկոս, ծառայությունների սակագներինը՝ 100.7 տոկոս: