ԱՐՑԱԽԻ ՀԱՆՐԱՊԵՏՈՒԹՅԱՆ
ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Սպառողական գներ:  2018թ. մարտին նախորդ ամսվա համեմատ ԱՀ սպառողական շուկայում գների մակարդակը մնացել է անփոփոխ:: Նշված ժամանակահատվածում պարենային ապրանքների (ներառյալ ոգելից խմիչք և ծխախոտ)  գները նվազել են 0.2 տոկոսով, իսկ ոչ պարենային ապրանքների գները և ծառայությունների սակագները աճել են համապատասխանաբար 0.3 և 0.1 տոկոսով,:

Սպառողական գների հավելաճը 2008-2018թթ. մարտին

(նախորդ տարվա դեկտեմբերի նկատմամբ, %)

Ըստ դիտարկվող քաղաքների սպառողական գների ինդեքսը 2018թ. մարտին 2017թ. դեկտեմբերի համեմատ կազմել է ք. Ստեփանակերտում ՝ 102.8 տոկոս, Ասկերանում և Հադրութում ` 102.6 տոկոս,   Մարտակերտում՝ 102.1 տոկոս, Մարտունիում՝ 101.6 տոկոս,  Շուշիում՝ 101.7  տոկոս,  իսկ  Բերձորում՝ 101.5 տոկոս:
2018թ. մարտին 2017թ. մարտի համեմատ սպառողական գների ինդեքսը կազմել է 103.4 տոկոս, այդ թվում պարենային ապրանքներինը (ներառյալ ոգելից խմիչք և ծխախոտ)՝ 105.3 տոկոս, ոչ պարենային ապրանքներինը՝ 103.0 տոկոս, ծառայությունների սակագներինը՝ 100.6 տոկոս: